Самы гарачы тыдзень вясны ўжо блізка! Так-так, рыхтуйце свае планеры і календары, таму што разам з партнёрамі Тыдня за роўнасць і інклюзію мы падрыхтавалі шчыльную праграму анлайн і афлайн!

Афіша

Ужо зараз мы гатовы падзяліцца часткай афішы.

Анлайн

• Прэзентацыя Канцэпцыі сістэмы мер па барацьбе з дыскрымінацыяй і забяспячэнню роўнасці ў Беларусі і канцэпцыі Закона а роўнасці ад БХК
  Мэта Канцэпцыі стаць часткай комплекснай прававой рэформы ў дэмакратычнай Беларусі, а таксама служыць асновай для далейшага развіцця ідэй і падыходаў для пабудовы роўнага і інклюзіўнага грамадства, распрацоўкі наступных крокаў у гэтым напрамку, прасоўвання прынцыпаў роўнасці і недыскрымінацыі ў беларускім грамадстве.

19.03, 17:30 па Менску (15:30 — Варшава, 16:30 — Вільнюс)
рэгістрацыя па спасыле

• Вэбінар «Ад ксенафобіі да інклюзіі. Шлях разумення людзей»
  Анлайн лекцыя аб тым як уладкаваная чалавечая ксенафобія. На ёй вы даведаецеся, як інструмент, які гарантаваў выжыванне віду, стаў пультам дыстанцыйнага кіравання грамадствам у руках прапаганды. Мы паразмаўляем пра мову варожасці, папрацуем з уласнымі ўстаноўкамі і абмяркуем як фармаваць талерантнасць і ствараць інклюзіўныя супольнасці.

Лекцыю чытае сузаснавальнік праваабарончай ініцыятывы «Журналісты за талерантнасць», заснавальнік праекту пра жыццё ЛБК-людзей HUKANNE сурэдактар ​​Медыярашальніка Алег Ражкоў.

19.03, а 18:00 (Менскі час)
рэгістрацыя па спысыле

Афлайн

• Сэмінар па Глыбінным Антыфашызме ў Кракаве ад Human Constanta
  Ці можам і ці хочам мы жыць без фашызма/дыктатуры? Якая яна “Новая Беларусь”? Якая роля, адказнасьць і магчымасьці для кожн_ай з нас у гэтым? Прыходзьце абмеркаваць і падумаць ды пашукаць адказы разам.

20.03, 19:30-21:30 (па Кракаве) у Прастора
рэгістрацыя не трэба

Ну што, пагналі? Выбірай мерапрыемства, рэгіструйся і прыходзь да нас, мы вельмі чакаем!💜